Moskvada migrantlar uchun qalbaki registratsiya tayyorlash bilan shug‘ullanayotgan 12 kishi qo‘lga olindi. Bu haqda Rossiya IIV rasmiy vakili Irina Volkka tayanib Sputnik xabar berdi.
Uning so‘zlariga ko‘ra, firibgarlar soxta internet saytlar orqali migratsiya markazi xodimlari nomidan jismoniy va yuridik shaxslarning arizalarini qabul qilgan.
“Qalbaki bildirish blankalari yordamida xorijiy fuqarolarning kirib kelganini ro‘yxatga olib, pul evaziga ularga migratsiya hisobotga qo‘yilgani haqida soxta hujjatlar (registratsiya) bergan”, — dedi Irina Volk.
Ma’lum bo‘lishicha, jinoyatchilar kuniga 150 ming rublgacha, bir yilda ular 10 million rublgacha daromad olgan. Moskva shahar politsiyasi ushbu jinoyatda gumon qilinayotgan fuqarolarning turar joylari va ofislarida tintuv o‘tkazib 3 millionga yaqin pul, 30 ta bank kartalari, qalbaki muhr va shtamplar, 50 ta mobil telefon topilgan.
Ayni damda ushbu guruhni tashkil qilgan 2 kishi va guruhning 5 nafar faol a’zosi qo‘lga olingan. Ularga nisbatan Rossiya Federatsiyasi Jinoyat kodeksining 159-moddasi (firibgarlik) bo‘yicha jinoyat ishi ochilgan. Yana besh nafar jinoyatchi Rossiya hududini tark etmaslik sharti bilan qo‘yib yuborilgan.
Izoh (0)