Xitoylik bojxonachilar Sinszyandagi ayrim o‘tkazish punktlari orqali mamlakatga kirayotgan turistlarning smartfonini tekshirishda josuslik dasturlaridan foydalanmoqda. Virus qurilmani skaner qilib, undan ma’lumotlarni hukumatga topshiradi, deb xabar beradi TJournal.
Jurnalistlarning ta’kidlashicha, hozircha mazkur dastur Qirg‘iziston orqali Xitoyga kirib kelayotgan fuqarolarning telefoniga o‘rnatilmoqda. Turistlardan telefonini topshirishdan oldin uni blokdan chiqarib berishlarini talab qilishmoqda. Hozircha josuslik dasturini kamida bir nafar turist, shuningdek, Süddeutsche Zeitung gazetasi muxbiri o‘z telefonidan topgan.
Ma’lumotlarga ko‘ra, bu kabi kuzatuvlar musulmon ozchiligiga, jumladan, Xitoy shimolida istiqomat qiluvchi uyg‘ur xalqiga qarshi yo‘naltirilgan.
Izoh (0)