Shanxay, Xitoy, 2019-yil, 25-iyun
MWC Shanghai 2019 (Xalqaro mobil kongressi) ko‘rgazmasida Huawei kompaniyasi “5G asosidagi raqamli o‘zgarish” mavzusiga bag‘ishlangan “5G is ON” sammitini tashkil qildi. Huawei direktorlari kengashining a’zosi va operatorlar bilan ishlash yo‘nalishining prezidenti Rayan Din marosimda so‘zga chiqib, “Industriya + 5G, Yangi taraqqiyot sari” mavzusida nutq so‘zladi.
“Huawei shu kunga qadar 5G borasida 50 ta tijoriy shartnomani imzolashga erishib, 150 000 mingdan ortiq aloqa stansiyalarini o‘z mijozlariga yetkazishga ulgurdi, — dedi Rayan Din. — Jahon bo‘ylab tijoriy maqsadlarda ayni vaqtda 5G jadal joriy etilmoqda. Shu yilning birinchi yarmida Janubiy Koreya, Buyuk Britaniya, Shveysariya, Italiya va Kuvayt singari bir qator mamlakatlar tijoriy 5G tarmog‘ini ishga tushirishdi, shulardan 2/3 qismi Huawei tomonidan qurib berildi. Jahondagi turli industriyalar 5G tarmog‘ini keng qamrovda qo‘llashga shoshilyapti, o‘z o‘rnida 5G texnologiyasi ham ko‘plab sohalarda raqamli transformatsiya va mahsuldorlikni oshirgan holda bu yo‘nalishdagi yetakchi standartga aylanmoqda. Huawei ishlab chiqqan modulli va to‘liq seriyali yechimlar operatorlarga ekologik jihatdan toza, yaxlit va keng qamrovli tijoriy 5G tarmog‘ini yo‘lga qo‘yib, barqaror rivojlanish imkoniyatini taqdim qiladi”.
5G tarmog‘i VR, AR va boshqa ultra-HD formatidagi video servislarini Mobile Video 3.0 standartiga jamlamoqda, natijada ushbu yuksak texnologiya foydalanuvchilarni o‘z odatlarini o‘zgartirishlariga sabab bo‘lmoqda. Ikki oydan keyin Janubiy Koreyada tijoriy 5G ishga tushirildi, mamlakatdagi 5G foydalanuvchilari soni 1 millionga yetdi va har bir foydalanuvchi ishlatadigan kundalik trafik hajmi 1.3 gigabaytni tashkil qildi. 5G taqdim qiladigan ARPU ko‘rsatkichi 4G standartidan 75%ga yuqori, biroq GB narxi 90%ga arzon, bu esa mazkur texnologiyaning ham abonentlar, ham operatorlarga birday manfaatli ekanligini anglatadi.
5G texnologiyalar mobil internetdan foydalanish hajmini keskin oshirib, yuqori aniqlikdagi, tezkor va hamyonbop xizmatlarni turli sohalar doirasida taqdim etilishini ta’minlaydi.
Odatda, jonli televideniye translatsiyasi uchun 80 million yuan qiymatidagi transport vositalari va yozish, montaj qilish, transmissiyalash va uzatish ishlari uchun efir joyida xizmat qiladigan 150 nafar ishchi kerak bo‘ladi. Biz hali sun’iy yo‘ldosh orqali uzatishga sarflanadigan katta miqdordagi xarajatlarni hisoblamadik.
Biroq bulutli translyansiya tufayli bu keskin holat o‘zgarmoqda, yuqoridagi faoliyat uchun endi 10 000 yuanga teng 5G CPE texnologiyasini o‘z ichiga olgan to‘plam va 5 nafar ishchi kifoya qiladi. Real vaqtdagi video TV stansiyalariga 5G tarmog‘ida qayta yuboriladi, bu esa istalgan joy va vaqtdagi jonli efirni uzatish imkoniyati demakdir. Bundan tashqari, ikkilamchi manzillar bilan yanada samarali ish va kuchli interfaollikni shu jarayonning o‘zidayoq yo‘lga qo‘yish mumkin.
Qo‘riqlash va tartibni saqlash ishlarida 5G dronlar yerda harakatlanadigan personaldan farqli tarzda hech qanday to‘siqqa uchramagan holda yuborilishi mumkin. Bunda 4K HD videolar real vaqt rejimida markazga jo‘natiladi, bu esa markazlashtirilgan kuzatuv va boshqaruv tizimiga joylardagi tafsilotlar bilan to‘liq tanishish va ogoh bo‘lish imkoniyatini beradi.
Huawei texnologiyalari ekologik jihatdan toza, yaxlit va keng qamrovli 5G tarmoqlarini yaratmoqda
Sammit davomida Rayan Din qanday qilib 5G tarmog‘i aqlli transport, aqlli nazorat, aqlli sog‘liqni saqlash, aqlli ko‘ngil ochish va aqlli portlar singari turli sohalarni birlashtirishi aks ettirilgan videoni namoyish qildi. Huawei ekologik jihatdan toza, yaxlit va keng qamrovli 5G tarmoqlarini barpo qilish uchun Massive MIMO, Blade Site va BookRRU kabi yechimlarni o‘z ichiga olgan keng turdagi modulli va to‘liq seriyali yechimlarni taklif qiladi. Ular shu darajada kam quvvat iste’mol qiladiki, har bir bitga sarflanadigan energiya samaradorligi 25 karra yuqori bo‘ladi. Huawei yechimlari, shu bilan bir qatorda, NSA/SA qo‘sh arxitekturasini qo‘llab-quvvatlaydi va barcha turdagi terminallarni radio signal bilan ta’minlay oladi. Faol antenna moduli (Active Antenne Module) distansion radio moduliga (Remote Radio Unit) qaraganda 55% ga ixcham va 23% yengilroq bo‘lib, operatorlarga mavjud resurslar orqali hududni tarmoq bilan to‘liq qoplash yordamida foydalanuvchilarga yanada sifatli xizmat ko‘rsatish va turli sohalardagi talablarga javob berishga yo‘l ochadi.
Avvalroq aytilganidek, 2019-yilda dunyo bo‘ylab 5G tezlik va ommaboplik borasida simsiz aloqa texnologiyalari orasida yetakchilik qilmoqda. Huawei 5G standartini turli industriyalarga qo‘llash va barcha tomonlar uchun manfaatli biznes taraqqiyotiga erishish uchun operatorlar va hamkorlar bilan ishlamoqda.
MWC Shanghai 2019 ko‘rgazmasi Xitoyning Shanxay shahrida joriy yilning 26–28-iyun sanalarida o‘tkaziladi. Huawei kompaniyasiga tegishli ko‘rgazma maydonlari Shanxaydagi xalqaro yangi ekspo markaz binosidagi (SNIEC) Hall N1 sektoridagi E10 va E70 zallarida va Hall N5 sektoridagi ICA01 burchagida barpo etilgan Innovatsion shahar bo‘limlarida joylashgan. Batafsil ma’lumot: carrier.huawei.com/en/events/mwcs19.
Reklama huquqi asosida
Izoh (0)