Шанхай, Хитой, 2019 йил, 25 июнь
MWC Shanghai 2019 (Халқаро мобил конгресси) кўргазмасида Huawei компанияси «5G асосидаги рақамли ўзгариш» мавзусига бағишланган «5G is ON» саммитини ташкил қилди. Huawei директорлари кенгашининг аъзоси ва операторлар билан ишлаш йўналишининг президенти Райан Дин маросимда сўзга чиқиб, «Индустрия + 5G, Янги тараққиёт сари» мавзусида нутқ сўзлади.
«Huawei шу кунга қадар 5G борасида 50 та тижорий шартномани имзолашга эришиб, 150 000 мингдан ортиқ алоқа станцияларини ўз мижозларига етказишга улгурди, — деди Райан Дин. — Жаҳон бўйлаб тижорий мақсадларда айни вақтда 5G жадал жорий этилмоқда. Шу йилнинг биринчи ярмида Жанубий Корея, Буюк Британия, Швейцария, Италия ва Кувайт сингари бир қатор мамлакатлар тижорий 5G тармоғини ишга туширишди, шулардан 2/3 қисми Huawei томонидан қуриб берилди. Жаҳондаги турли индустриялар 5G тармоғини кенг қамровда қўллашга шошиляпти, ўз ўрнида 5G технологияси ҳам кўплаб соҳаларда рақамли трансформация ва маҳсулдорликни оширган ҳолда бу йўналишдаги етакчи стандартга айланмоқда. Huawei ишлаб чиққан модулли ва тўлиқ серияли ечимлар операторларга экологик жиҳатдан тоза, яхлит ва кенг қамровли тижорий 5G тармоғини йўлга қўйиб, барқарор ривожланиш имкониятини тақдим қилади».
5G рақамли трансформацияни тезлаштиради ва янги бизнес тараққиётига туртки беради
5G тармоғи VR, АR ва бошқа ультра-HD форматидаги видео сервисларини Mobile Video 3.0 стандартига жамламоқда, натижада ушбу юксак технология фойдаланувчиларни ўз одатларини ўзгартиришларига сабаб бўлмоқда. Икки ойдан кейин Жанубий Кореяда тижорий 5G ишга туширилди, мамлакатдаги 5G фойдаланувчилари сони 1 миллионга етди ва ҳар бир фойдаланувчи ишлатадиган кундалик трафик ҳажми 1.3 гигабайтни ташкил қилди. 5G тақдим қиладиган АRPU кўрсаткичи 4G стандартидан 75%га юқори, бироқ ГБ нархи 90%га арзон, бу эса мазкур технологиянинг ҳам абонентлар, ҳам операторларга бирдай манфаатли эканлигини англатади.
5G технологиялар мобил интернетдан фойдаланиш ҳажмини кескин ошириб, юқори аниқликдаги, тезкор ва ҳамёнбоп хизматларни турли соҳалар доирасида тақдим этилишини таъминлайди.
Одатда, жонли телевидение транслацияси учун 80 миллион юан қийматидаги транспорт воситалари ва ёзиш, монтаж қилиш, трансмиссиялаш ва узатиш ишлари учун эфир жойида хизмат қиладиган 150 нафар ишчи керак бўлади. Биз ҳали сунъий йўлдош орқали узатишга сарфланадиган катта миқдордаги харажатларни ҳисобламадик.
Бироқ булутли транслянсия туфайли бу кескин ҳолат ўзгармоқда, юқоридаги фаолият учун энди 10 000 юанга тенг 5G CPЕ технологиясини ўз ичига олган тўплам ва 5 нафар ишчи кифоя қилади. Реал вақтдаги видео TV станцияларига 5G тармоғида қайта юборилади, бу эса исталган жой ва вақтдаги жонли эфирни узатиш имконияти демакдир. Бундан ташқари, иккиламчи манзиллар билан янада самарали иш ва кучли интерфаолликни шу жараённинг ўзидаёқ йўлга қўйиш мумкин.
Қўриқлаш ва тартибни сақлаш ишларида 5G дронлар ерда ҳаракатланадиган персоналдан фарқли тарзда ҳеч қандай тўсиққа учрамаган ҳолда юборилиши мумкин. Бунда 4K HD видеолар реал вақт режимида марказга жўнатилади, бу эса марказлаштирилган кузатув ва бошқарув тизимига жойлардаги тафсилотлар билан тўлиқ танишиш ва огоҳ бўлиш имкониятини беради.
Huawei технологиялари экологик жиҳатдан тоза, яхлит ва кенг қамровли 5G тармоқларини яратмоқда
Саммит давомида Райан Дин қандай қилиб 5G тармоғи ақлли транспорт, ақлли назорат, ақлли соғлиқни сақлаш, ақлли кўнгил очиш ва ақлли портлар сингари турли соҳаларни бирлаштириши акс эттирилган видеони намойиш қилди. Huawei экологик жиҳатдан тоза, яхлит ва кенг қамровли 5G тармоқларини барпо қилиш учун Massive MIMO, Blade Site ва BookRRU каби ечимларни ўз ичига олган кенг турдаги модулли ва тўлиқ серияли ечимларни таклиф қилади. Улар шу даражада кам қувват истеъмол қиладики, ҳар бир битга сарфланадиган энергия самарадорлиги 25 карра юқори бўлади. Huawei ечимлари, шу билан бир қаторда, NSA/SA қўш архитектурасини қўллаб-қувватлайди ва барча турдаги терминалларни радио сигнал билан таъминлай олади. Фаол антенна модули (Active Antenne Module) дистансион радио модулига (Remote Radio Unit) қараганда 55% га ихчам ва 23% енгилроқ бўлиб, операторларга мавжуд ресурслар орқали ҳудудни тармоқ билан тўлиқ қоплаш ёрдамида фойдаланувчиларга янада сифатли хизмат кўрсатиш ва турли соҳалардаги талабларга жавоб беришга йўл очади.
Аввалроқ айтилганидек, 2019 йилда дунё бўйлаб 5G тезлик ва оммабоплик борасида симсиз алоқа технологиялари орасида етакчилик қилмоқда. Huawei 5G стандартини турли индустрияларга қўллаш ва барча томонлар учун манфаатли бизнес тараққиётига эришиш учун операторлар ва ҳамкорлар билан ишламоқда.
MWC Shanghai 2019 кўргазмаси Хитойнинг Шанхай шаҳрида жорий йилнинг 26–28 июнь саналарида ўтказилади. Huawei компаниясига тегишли кўргазма майдонлари Шанхайдаги халқаро янги экспо марказ биносидаги (SNIEC) Hall N1 секторидаги E10 ва E70 залларида ва Hall N5 секторидаги ICА01 бурчагида барпо этилган Инновацион шаҳар бўлимларида жойлашган. Батафсил маълумот: carrier.huawei.com/en/events/mwcs19.
Реклама ҳуқуқи асосида
Изоҳ (0)