“Daryo” o‘tayotgan haftada dunyo matbuotida keng yoritilgan, ko‘pchilikning qiziqishiga sabab bo‘lgan maqolalar sharhiga to‘xtalib o‘tadi.
“Inqilob uni hokimiyatdan chetlashtirdi, ammo u haqdagi xotira qalblarimizdan joy oladi. Avom uning qat’iy siyosiy pozitsiyasini unutmaydi. Ruhing tinch bo‘lsin, #Mursi”, — Mavlud Chovusho‘g‘li, Turkiya tashqi ishlar vaziri.
“Parij safaridan so‘ng Zelenskiy Berlinga tashrif buyurmoqda. Berlin ikki poytaxtdan eng murakkabbi sanaladi. Makron allaqachon tarafdorga aylandi. Germaniyada olmon rahbariyatiga manzur bo‘lmoqchimisan, aktyorlikdan ko‘ra professionalroq bo‘lgan ma’qul”, — Yan Bateson, The Economist, The Atlantic va New York Magazine jurnalisti.
“Biz Qozog‘istonda ortiq Turkmaniston ustidan kulmaymiz. Nazarboyevning qizi senat rahbari va To‘qayev iste’fo bergan vaziyatda uning qonuniy merosxo‘ri”, — Qosimxon Qapporov, iqtisodiyotchi.
“Richard II (1377–1399) davridan boshlab to hozirgigacha bo‘lgan ingliz yoki Britaniya monarxlarining imzosi”, — Mett Beyker, bloger.
“Kecha Oq Uyda AQSh vitse-prezidenti Mayk Pens bilan bo‘lib o‘tgan ajoyib uchrashuv haqida eslatma. Rimga qaytib, Italiyani dunyoda hali harakat qiluvchi eng muhim subyekt sifatida e’tirof etishlarini e’lon qilshidan faxrlanishimni aytsam bo‘ladi. Xayrli kun, do‘stlar”, — Matteo Salvini, Italiya ichki ishlar vaziri.
“Yer sayyorasi o‘ziga xos. Bu koinotdagi hayot mavjud bo‘lgan yagona joy. Nafasni shoshiruvchi sayyoramiz suratlariga boqib, uning go‘zalligiga munosib baho bering. Bu suratlar Xalqaro kosmik stansiya ekipaji tomonidan olingan”, — NASA.
“2019-yil. Eng ko‘p diplomatik missiyaga ega mamlakatlar: AQSh — 273, Xitoy — 268, Fransiya — 266, Rossiya — 242, Yaponiya — 229, Turkiya — 229, Buyuk Britaniya — 225, Germaniya — 224, Braziliya — 224, Ispaniya — 215, Italiya — 205, Hindiston — 181, Koreya Respublikasi — 172, Meksika — 156, Argentina — 155, Kanada — 147”, — Turkiya tashqi siyosati materiallari haqidagi hisobotdan.
“Akrom Imomo‘g‘li 800 ming ovoz farqi bilan Istanbul saylovida g‘alaba qozondi”, — Jumhuriyet nashri.
“Bu hazil emas. Interpol Moskvada kiberxavfsizlik masalasida konferensiya o‘tkazmoqda. Konferensiya homiysi Sberbank”, — Bil Brauder, Xalqaro Magnitskiy harakati rahbari.
“Bu chindan inqilobiy taklif: barcha amerikaliklar kollej ma’lumotiga va kerakli kasbiy malakaga ega bo‘lgani holda barcha talabalik qarzlari bekor qilinadi”, — Berni Sanders, amerikalik senator va prezidentlikka nomzod.
“Seshanba kuni ovoz berish jarayoni o‘tgach, San-Fransisko elektron sigaretalar savdosini taqiqlashni samarali tashkil etish yo‘lidan borgan AQShdagi birinchi shahar bo‘ladi”, — CNN.
“O‘zbekiston – Qirg‘iziston chegarasida qo‘l sumkalarini ko‘targancha chegarani kuniga bir necha bor kesib o‘tib, 7–8 dollar pul ishlab topayotgan ayollar bor. Biz bunday ishchilarni Qozog‘iston va Tojikiston chegara punktlarida ham uchratdik. Ayollar aytishiga qaraganda, chegarada doimo ish bor va hozircha chegarachilar ularni bezovta qilayotgani yo‘q”, — Navbahor Imomova, “Amerika ovozi” muxbiri.
Jahongir Ergashev tayyorladi.
Izoh (0)