Sinay yarim oroli shimolida yuz bergan seriyali hujumlar oqibatida olti nafar misrlik politsiyachi halok bo‘ldi, sakkiz nafar politsiyachi esa jarohatlandi, deb xabar berdi “TASS”.
Terrorchilar bir vaqtning o‘zida Shimoliy Sinay poytaxti — Al-Arishdagi uchta blokpostga hujum qilgan.
Otishma oqibatida yetti nafar ekstremist yo‘q qilingan. Ulardan ikki nafarining yonida xudkush kamari bo‘lgan.
Misr armiyasi va politsiyasi bir necha yillardan buyon Sinayning shimoliy hududida bir qancha radikal guruhlarga qarshi kurash olib bormoqda.
Izoh (0)