«Дарё» ўтаётган ҳафтада дунё матбуотида кенг ёритилган, кўпчиликнинг қизиқишига сабаб бўлган мақолалар шарҳига тўхталиб ўтади.
«Инқилоб уни ҳокимиятдан четлаштирди, аммо у ҳақдаги хотира қалбларимиздан жой олади. Авом унинг қатъий сиёсий позициясини унутмайди. Руҳинг тинч бўлсин, #Mursi», — Мавлуд Човушўғли, Туркия ташқи ишлар вазири.
«Париж сафаридан сўнг Зеленский Берлинга ташриф буюрмоқда. Берлин икки пойтахтдан энг мураккабби саналади. Макрон аллақачон тарафдорга айланди. Германияда олмон раҳбариятига манзур бўлмоқчимисан, актёрликдан кўра профессионалроқ бўлган маъқул», — Ян Батесон, The Economist, The Atlantic ва New York Magazine журналисти.
«Биз Қозоғистонда ортиқ Туркманистон устидан кулмаймиз. Назарбоевнинг қизи сенат раҳбари ва Тўқаев истеъфо берган вазиятда унинг қонуний меросхўри», — Қосимхон Қаппоров, иқтисодиётчи.
«Ричард II (1377–1399) давридан бошлаб то ҳозиргигача бўлган инглиз ёки Британия монархларининг имзоси», — Метт Бейкер, блогер.
«Кеча Оқ Уйда АҚШ вице-президенти Майк Пенс билан бўлиб ўтган ажойиб учрашув ҳақида эслатма. Римга қайтиб, Италияни дунёда ҳали ҳаракат қилувчи энг муҳим субъект сифатида эътироф этишларини эълон қилишдан фахрланишимни айтсам бўлади. Хайрли кун, дўстлар», — Маттео Сальвини, Италия ички ишлар вазири.
«Ер сайёраси ўзига хос. Бу коинотдаги ҳаёт мавжуд бўлган ягона жой. Нафасни шоширувчи сайёрамиз суратларига боқиб, унинг гўзаллигига муносиб баҳо беринг. Бу суратлар Халқаро космик станция экипажи томонидан олинган», — NASA.
«2019 йил. Энг кўп дипломатик миссияга эга мамлакатлар: АҚШ — 273, Хитой — 268, Франция — 266, Россия — 242, Япония — 229, Туркия — 229, Буюк Британия — 225, Германия — 224, Бразилия — 224, Испания — 215, Италия — 205, Ҳиндистон — 181, Корея Республикаси — 172, Мексика — 156, Аргентина — 155, Канада — 147», — Туркия ташқи сиёсати материаллари ҳақидаги ҳисоботдан.
«Акром Имомўғли 800 минг овоз фарқи билан Истанбул сайловида ғалаба қозонди», — Jumhuriyet нашри.
«Бу ҳазил эмас. Интерпол Москвада киберхавфсизлик масаласида конференция ўтказмоқда. Конференция ҳомийси Сбербанк», — Бил Браудер, Халқаро Магнитский ҳаракати раҳбари.
«Бу чиндан инқилобий таклиф: барча америкаликлар коллеж маълумотига ва керакли касбий малакага эга бўлгани ҳолда барча талабалик қарзлари бекор қилинади», — Берни Сандерс, америкалик сенатор ва президентликка номзод.
«Сешанба куни овоз бериш жараёни ўтгач, Сан-Франциско электрон сигареталар савдосини тақиқлашни самарали ташкил этиш йўлидан борган АҚШдаги биринчи шаҳар бўлади», — CNN.
«Ўзбекистон – Қирғизистон чегарасида қўл сумкаларини кўтарганча чегарани кунига бир неча бор кесиб ўтиб, 7–8 доллар пул ишлаб топаётган аёллар бор. Биз бундай ишчиларни Қозоғистон ва Тожикистон чегара пунктларида ҳам учратдик. Аёллар айтишига қараганда, чегарада доимо иш бор ва ҳозирча чегарачилар уларни безовта қилаётгани йўқ», — Навбаҳор Имомова, «Америка овози» мухбири.
Жаҳонгир Эргашев тайёрлади.
Изоҳ (0)