21-iyun, juma kuni futbol bo‘yicha O‘zbekiston Superligasi 12-turining dastlabki o‘yinida Andrey Fyodorov qo‘l ostidagi Toshkentning “Lokomotiv” klubi safarda Samarqandning “Dinamo” jamoasiga qarshi maydonga tushdi.
Bellashuv davomida mezbon jamoa hujumchisi Qadamboy Nurmatov (64, 72) dublga erishgan bo‘lsa, “temiryo‘lchilar”dan Temurxo‘ja Abduholiqov o‘z nomiga bitta gol yozdirib qo‘ydi (2:1).
Shu tariqa toshkentliklar safarda kechgan bahsda Samarqand klubiga kichik hisobda mag‘lub bo‘ldi va ochko yo‘qotdi.
Mazkur bahsdan so‘ng “Dinamo” ochkolari sonini 18 taga yetkazib, musobaqa jadvalida 4-o‘ringa ko‘tarilib oldi. “Lokomotiv” esa 24 ochko bilan 2-o‘rinda bormoqda.
Superliga
12-tur bahslari
21-iyun, juma
“Dinamo”—“Lokomotiv” 2:1
Gollar: 1:0 — 61 Qadamboy Nurmatov, 1:1 — 64 Temurxo‘ja Abduholiqov, 2:1 — 72 Qadamboy Nurmatov“Dinamo”: Botirali Ergashev, Mirkomil Loqayev, Hakimjon A’lamxonov, Jasur Azimov (Akmal Xolmurodov, 80), Qadamboy Nurmatov (Siroj Hamroyev, 85), Bobur Qosimov, Damir Temirov (Obidjon Hakimov, 19), Sardor Eminov, Jasurbek O‘rinov, Ixtiyor Toshpo‘latov, Shoxruh Abdurahmonov
“Lokomotiv”: Javohir Ilyosov, Anzur Ismoilov, Azizbek Haydarov (Vladislav Fomin, 83), Jamshid Iskandarov, Temurxo‘ja Abduholiqov, Islom To‘xtaxo‘jayev (Diyorjon Turopov, 59), Yovan Jokich (Azizbek Omonov, 46), Davronbek Hoshimov, Oleg Zoteyev, Arslonmurod Omonov, Igor Yelich
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)