21 июнь, жума куни футбол бўйича Ўзбекистон Суперлигаси 12-турининг дастлабки ўйинида Андрей Фёдоров қўл остидаги Тошкентнинг «Локомотив» клуби сафарда Самарқанднинг «Динамо» жамоасига қарши майдонга тушди.
Беллашув давомида мезбон жамоа ҳужумчиси Қадамбой Нурматов (64, 72) дублга эришган бўлса, «темирйўлчилар»дан Темурхўжа Абдуҳолиқов ўз номига битта гол ёздириб қўйди (2:1).
Шу тариқа тошкентликлар сафарда кечган баҳсда Самарқанд клубига кичик ҳисобда мағлуб бўлди ва очко йўқотди.
Мазкур баҳсдан сўнг «Динамо» очколари сонини 18 тага етказиб, мусобақа жадвалида 4-ўринга кўтарилиб олди. «Локомотив» эса 24 очко билан 2-ўринда бормоқда.
Суперлига
12-тур баҳслари
21 июнь, жума
«Динамо»—«Локомотив» 2:1
Голлар: 1:0 — 61 Қадамбой Нурматов, 1:1 — 64 Темурхўжа Абдуҳолиқов, 2:1 — 72 Қадамбой Нурматов«Динамо»: Ботирали Эргашев, Миркомил Лоқаев, Ҳакимжон Аъламхонов, Жасур Азимов (Акмал Холмуродов, 80), Қадамбой Нурматов (Сирож Ҳамроев, 85), Бобур Қосимов, Дамир Темиров (Обиджон Ҳакимов, 19), Сардор Эминов, Жасурбек Ўринов, Ихтиёр Тошпўлатов, Шохруҳ Абдураҳмонов
«Локомотив»: Жавоҳир Илёсов, Анзур Исмоилов, Азизбек Ҳайдаров (Владислав Фомин, 83), Жамшид Искандаров, Темурхўжа Абдуҳолиқов, Ислом Тўхтахўжаев (Диёржон Туропов, 59), Ёван Жокич (Азизбек Омонов, 46), Давронбек Ҳошимов, Олег Зотеев, Арслонмурод Омонов, Игорь Йелич
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)