Unga ko‘ra, Tokio—2020 Olimpiadasida boks bahslari uchun erkaklar o‘rtasida -52, -57, -63, -69, -75, -81, -91 va +91 kilogarmm vazn toifalari amal qiladi. Ayollar o‘rtasida esa -51, -57, -60, -69 va – 75 kilogramm vazn toifalari bo‘yicha janglar olib boriladi.
Osiyo-Okeaniya mintaqasi uchun jami 63 ta litsenziya ajratilib, ulardan 41 tasi erkaklar, 22 tasi ayollar boksi o‘rtasida taqsimlanadi. Olimpiya vazn toifalarida qit’alar uchun turli miqdorda yo‘llanmalar ajratildi. Masalan, Osiyo qit’asida -52, -57 va -63 kg kilogramm vazn toifalariga 6 tadan, -69, -75 va -81 kg vazn toifalariga 5 tadan, -91 va +91 kg vazn toifalari uchun 4 tadan o‘rin ajratilgan. Ayollar toifasida esa -51 kg vazn uchun 6 tadan, qolgan kategoriyalarga 4 tadan o‘rin berildi.
Olimpiada uchun saralash turnirlari kelasi yilning yanvar-may oylarida o‘tkazilishi belgilandi. Bu oralig‘da 4 ta qit’aviy va 1 ta jahon miqyosida saralash turnirlari o‘tkaziladi. Hozircha saralash musobaqa mezbonlari e’lon qilinmagan. Yanvar-aprel oralig‘ida barcha qit’alar bo‘ylab mintaqaviy saralash turnirlari o‘tkazilsa, unda yo‘llanma ololmaganlar uchun 2020 yilning may oyida jahon miqyosidagi litsenzion musobaqa bo‘lib o‘tadi.
Eslatib o‘tamiz, Tokio Olimpiadasida boks bellashuvlari 25-iyul—9-avgust kunlari bo‘lib o‘tadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)