14 июннинг эътиборга молик янгиликлари — «Дарё» дайжестида.
Бишкек шаҳрида Шанхай ҳамкорлик ташкилотига аъзо мамлакатлар Давлат раҳбарлари кенгаши навбатдаги мажлиси бўлиб ўтди.
Саммитда Ўзбекистон Республикаси Президенти Шавкат Мирзиёев нутқ сўзлади.
Шавкат Мирзиёев ШҲТнинг «яшил белбоғи» дастурини қабул қилиш таклифини билдирди.
Шанхай ҳамкорлик ташкилоти Давлат раҳбарлари кенгаши мажлисидан сўнг ҳужжатларни имзолаш маросими бўлди.
Ўзбекистон Республикаси Президенти Шавкат Мирзиёев Бишкекда ўтган Шанхай ҳамкорлик ташкилоти саммитидан сўнг Осиёда ҳамкорлик ва ишонч чоралари бўйича кенгашнинг бешинчи саммитида иштирок этиш учун Душанбе шаҳрига келди.
***
«Ўшанда ёнимда ҳеч ким қолмади». Алишер Узоқов «запрет»га тушган йиллари ҳақида гапирди.
Алишер Узоқов сабабини аниқ билмасдан 3,5 йиллик «запрет»да юргани ҳақида гапирди.
«Тақиқдан кейин анча кўзим очилди, ишимга бўлган муносабатим ўзгарди. Мен аввалги Алишер эмасман. Бутунлай ўзгардим. Бошимдан ўтганларини душманимга ҳам раво кўрмасдим», — деди у.
***
Қашқадарё вилояти Нишон тумани марказий шифохонасининг туғруққача бўлган даволаниш бўлимида аёллар коридорда ётгани, битта палатага 8—9 нафардан аёл жойлаштирилгани хабар берилганди.
Соғлиқни сақлаш вазирлиги маълум қилишича, Нишон тумани марказий шифохонасининг ҳомиладорлар патологияси ва гинекология бўлимларида йўлакда ётиб даволанаётган беморлар аниқланмаган. Беморлар ўринларига жойлашувига қадар ўзлари ва қариндошлари ерга жой тўшаб ётиб олган.
***
Шаҳрам Ғиёсов Шаҳло Аҳмедова билан кинотеатрда танишгани ва ўрталаридаги миш-мишларга ойдинлик киритди.
«Биз Шаҳло билан дўстмиз’, десам ҳам бўлади. Мухлислар бизнинг муносабатларимизни яхши билишади. Бир-биримизни ҳурмат қиламиз», — деди у.
***
АҚШ Украина пойтахти номини ўзгартирди.
АҚШ жўғрофик номлар бўйича кенгаши бир овоздан халқаро базада Украина пойтахтини «Kiev»дан «Kyiv»га ўзгартиришга қарор қилди.
Умумий базага 17 июнь куни ўзгартириш киритилади.
Изоҳ (0)