Bugun, 14-iyun kuni Axborot va ommaviy kommunikatsiyalar agentligi anjumanlar zalida O‘zbekiston Respublikasi Bosh prokuraturasi mutasaddilari ishtirokida “2019-yilning dastlabki 5 oyi mobaynida prokuratura organlari faoliyati” mavzusida brifing bo‘lib o‘tdi. Bu haqda Bosh prokuratura Telegram’dagi kanali orqali ma’lum qildi.
Brifingda jurnalistlar tomonidan soliq organlari tomonidan bloger Ashurboyev Azizbek Abdukarimovichning telefoni hamda uning Instagram ijtimoiy tarmog‘idagi sahifasi olib qo‘yilganligi holati yuzasidan ham savol berildi.
Bosh prokuror o‘rinbosari E.Yuldashev mazkur masala yuzasidan fikr bildirib, ushbu holat Bosh prokuraturaning alohida nazoratiga olinganligi, bugungi kunda Departament tomonidan davlat idoralari xodimlarining bloger A.Ashurboyevga nisbatan sodir etgan xatti-harakatlariga huquqiy baho berish maqsadida tergovga qadar tekshiruv tayinlanganligi haqida ma’lumot berdi.
Shuningdek, Bosh prokuror o‘rinbosari E.Yuldashev bugungi Xalqaro blogerlar kuni munosabati bilan yurtimizda faoliyat olib borayotgan barcha blogerlarni tabrikladi.
Shu o‘rinda Bosh prokuratura O‘zbekiston blogerlarini doimo qo‘llab-quvvatlashi hamda ularning qonuniy huquq va manfaatlarini himoya qilishga tayyor ekanligini ma’lum qiladi.
Izoh (0)