Venesuela Markaziy banki 10 ming, 20 ming va 50 mingli suveren bolivar banknotlarini muomalaga chiqardi. Bu bilan endi to‘lovlar va xalqaro hisoblar yanada samarali amalga oshiriladi. Bu haqda TJournal xabar berdi.
2018-yil avgustda bolivardan nominal qiymati bo‘yicha beshta nol olib tashlangan edi. Yangi valyuta “suveren bolivar” deb nomlangan. Bu davrda eng yirik kupyura 500 suveren bolivar bo‘lib qolgan edi.
2018-yilda Venesueladagi inflyatsiya 1,37 million foizni tashkil etgan, 2019-yilda esa 10 million foizni tashkil etishi bashorat qilinmoqda.
Venesueladagi eng kam ish haqi 40 ming suveren bolivar (6,5 dollar). Ba’zi fuqarolarga 25 ming suveren bolivar (taxminan 4 dollar) ustama haqi beriladi. 2018-yil mobaynida mamlakatda eng kam ish haqi besh barobarga oshgan.
Izoh (0)