Gaagadagi Rossiya elchixonasi oldida Donbassda MH17 reysi urib tushirilishi oqibatida halok bo‘lganlarning qarindoshlari “insonparvarlik”ga chaqirib, fojeaga javobgarlik talab qildi. Bu haqda “Liga Novosti” xabar berdi.
“Ular MH17 halokatida muayyan rol o‘ynagani tushunarli”, — degan “Haqiqatni oshkor etish” ishchi guruhi vakili Sander van Luyk.
“Sukut siyosiy jihatdan motivatsiyalangan. Agar siz sukut saqlasangiz va javobgarlikni o‘z zimmangizga olmasangiz, o‘zingizni buyuk millat deb atay olmaysiz”, — deb qo‘shimcha qilgan u.
Ular Rossiyaning TIV binosi filiali oldida samolyotdagi kabi yo‘laklar bilan birga 298 ta oq stullar o‘rnatgan bo‘lib, MH17’ning 298 nafar qurbonini ramziy tasvirlaydi.
Malayziya bosh vaziri 31-mayda Rossiya aybini isbotlovchi “ishonchliroq dalillar”ni ko‘rsatishni so‘ragan. Niderlandlar tushuntirish berishni talab qilgan.
Eslatib o‘tamiz, Malaysia Airlines aviakompaniyasining Boeing 777 yo‘lovchi samolyoti 2014-yil 17-iyulida Amsterdamdan Kuala-Lumpurga uchayotgan paytda Donesk viloyati osmonida urib tushirilgan edi. Buning oqibatida 283 yo‘lovchi va 15 nafar ekipaj a’zosi, jami o‘n mamlakat fuqarosi halok bo‘lgan. Tergov 2018-yilning 24-mayida dastlabki xulosalarni taqdim etdi. Unga ko‘ra, samolyotni Rossiya armiyasiga qarashli “Buk” zenit-raketa kompleksi urib tushirgan.
Izoh (0)