Toshkent qurilish va milliy hunarmandchilik kasb-hunar kolleji binosida litsey, kollej va maktab o‘quvchilarining umumta’lim fanlari bo‘yicha respublika olimpiadasi IV bosqichi boshlandi. Bu haqda Xalq ta’limi vazirligi axborot xizmati ma’lum qildi.
Ota-onalarga olimpiada jarayonlarini kuzatuv kameralari orqali to‘g‘ridan-to‘g‘ri namoyish etish uchun tadbir o‘tayotgan binoga yaqin bo‘lgan Olmazor tumanidagi 224-sonli maktabning sport zalida katta ekran o‘rnatildi va jarayonlarni kuzatish uchun qulay shart-sharoitlar yaratildi.
Bugungi kunda o‘tkazilayotgan fan olimpiadasining o‘ziga xos jihatlari mavjud bo‘lib, ular quyidagicha:
umumta’lim maktablarining 11-sinf o‘quvchilariham ishtirok etmoqda;
olimpiadaning shaffof va adolatli o‘tishini ta’minlash maqsadida katta sport zallari, faollar zali hamda katta hajmdagi fayelarda o‘tkazilmoqda;
hakamlar hay’ati a’zolari tarkibida teng miqdorda umumiy o‘rta a’lim maktablari, akademik litsey, kasb-hunar kollejlari hamda oliy ta’lim muassasalarining professor-o‘qituvchilari jalb etildi;
olimpiada o‘tkazish jarayonlari to‘g‘ridan-to‘g‘ri onlayn tarzda translyatsiya qilinadi va ota-onalar uni kuzatib boradi;
olimpiada topshiriqlarining amaldagi va xalqaro olimpiadalar standarti materiallari talablari asosida tayyorlanganligi alohida ahamiyat kasb etadi;
olimpiada jarayonlari ommaviy axborot vositalari orqali keng yoritib boriladi.
Bundan tashqari, olimpiada jarayonlarining shaffofligi ta’minlash maqsadida har bir xonaga turli rakursda namoyish etadigan kuzatuv kameralari o‘rnatildi.
Izoh (0)