Тошкент қурилиш ва миллий ҳунармандчилик касб-ҳунар коллежи биносида лицей, коллеж ва мактаб ўқувчиларининг умумтаълим фанлари бўйича республика олимпиадаси IV босқичи бошланди. Бу ҳақда Халқ таълими вазирлиги ахборот хизмати маълум қилди.
Ота-оналарга олимпиада жараёнларини кузатув камералари орқали тўғридан-тўғри намойиш этиш учун тадбир ўтаётган бинога яқин бўлган Олмазор туманидаги 224-сонли мактабнинг спорт залида катта экран ўрнатилди ва жараёнларни кузатиш учун қулай шарт-шароитлар яратилди.
Бугунги кунда ўтказилаётган фан олимпиадасининг ўзига хос жиҳатлари мавжуд бўлиб, улар қуйидагича:
умумтаълим мактабларининг 11-синф ўқувчилариҳам иштирок этмоқда;
олимпиаданинг шаффоф ва адолатли ўтишини таъминлаш мақсадида катта спорт заллари, фаоллар зали ҳамда катта ҳажмдаги фаеларда ўтказилмоқда;
ҳакамлар ҳайъати аъзолари таркибида тенг миқдорда умумий ўрта аълим мактаблари, академик лицей, касб-ҳунар коллежлари ҳамда олий таълим муассасаларининг профессор-ўқитувчилари жалб этилди;
олимпиада ўтказиш жараёнлари тўғридан-тўғри онлайн тарзда трансляция қилинади ва ота-оналар уни кузатиб боради;
олимпиада топшириқларининг амалдаги ва халқаро олимпиадалар стандарти материаллари талаблари асосида тайёрланганлиги алоҳида аҳамият касб этади;
олимпиада жараёнлари оммавий ахборот воситалари орқали кенг ёритиб борилади.
Бундан ташқари, олимпиада жараёнларининг шаффофлиги таъминлаш мақсадида ҳар бир хонага турли ракурсда намойиш этадиган кузатув камералари ўрнатилди.
Изоҳ (0)