Yevropa Kengashi raisi Donald Tusk uchun Samarqanddagi tarixiy obidalar bo‘ylab ekskursiya va Registonda lazerli shou tashkil etildi, deb xabar beradi Sputnik.
O‘zbekistonga birinchi bor tashrif buyurgan Donald Tusk O‘zbekiston Prezidenti Shavkat Mirziyoyev bilan uchrashdi hamda qadimiy Buxoro va Samarqand shaharlariga tashrif buyurdi.
1-iyun kuni uni Samarqandda viloyat hokimi Erkinjon Turdimov, mamlakatning turli vazirlik va idora vakillari kutib olgan edi. Tomonlar iqtisodiy, savdo-sotiq, innovatsiya va investitsiya, transport, ilm-fan, ta’lim va sog‘liqni saqlash borasidagi hamkorlik bo‘yicha bir qator masalalarni muhokama qilgan.
Shuningdek, Tusk uchun shaharning diqqatga sazovor joylari bo‘ylab ekskursiya tashkil etilgan. U Registon maydoni, Go‘ri Amir va Shohi Zinda majmualarini ziyorat qilgan. Kechasi xorijlik mehmonlar uchun Registon maydonida 3D-lazer shou namoyish etilgan.
Avvalroq, Yevropa Kengashi rahbari Donald Tusk O‘zbekiston tarixidan hayratga tushgani haqida xabar berilgan edi.
Izoh (0)