Европа Кенгаши раиси Дональд Туск учун Самарқанддаги тарихий обидалар бўйлаб экскурсия ва Регистонда лазерли шоу ташкил этилди, деб хабар беради Sputnik.
Ўзбекистонга биринчи бор ташриф буюрган Дональд Туск Ўзбекистон Президенти Шавкат Мирзиёев билан учрашди ҳамда қадимий Бухоро ва Самарқанд шаҳарларига ташриф буюрди.
1 июнь куни уни Самарқандда вилоят ҳокими Эркинжон Турдимов, мамлакатнинг турли вазирлик ва идора вакиллари кутиб олган эди. Томонлар иқтисодий, савдо-сотиқ, инновация ва инвестиция, транспорт, илм-фан, таълим ва соғлиқни сақлаш борасидаги ҳамкорлик бўйича бир қатор масалаларни муҳокама қилган.
Шунингдек, Туск учун шаҳарнинг диққатга сазовор жойлари бўйлаб экскурсия ташкил этилган. У Регистон майдони, Гўри Амир ва Шоҳи Зинда мажмуаларини зиёрат қилган. Кечаси хорижлик меҳмонлар учун Регистон майдонида 3D-лазер шоу намойиш этилган.
Аввалроқ, Европа Кенгаши раҳбари Дональд Туск Ўзбекистон тарихидан ҳайратга тушгани ҳақида хабар берилган эди.
Изоҳ (0)