Qozog‘iston markaziy saylov komissiyasi mamlakat prezidentligi sayloviga nomzodlarni ro‘yxatga olish muddatidan oldin to‘xtatilganini ma’lum qildi, deb xabar berdi “Tengrinews”.
11-may kuni 18:00 da prezidentlikka nomzodlarni ro‘yxatga olish bosqichi taqvim rejasiga muvofiq tugaydi.
“Prezidentlikka ilgari surilgan nomzodlar konstitutsiya va ‘Saylov to‘g‘risida’gi konstitutsiya qonuniga muvofiq markaziy saylov komissiyasi tomonidan 6-mayga qadar ro‘yxatga olindi.
Markaziy saylov komissiyasi tomonidan qabul qilingan bir nechta qarorlar ro‘yxatga olish bosqichini muddatidan avval yakunlash imkonini berdi:
- vakolatli organlar tomonidan ma’lumot berish muddatlarini qisqartirish to‘g‘risida;
- nomzodning belgilangan besh kun o‘rniga ikki kun ichida Qonunchilik talablariga muvofiqligini belgilash to‘g‘risida;
- imzo varaqalarini berish muddatlarini ikki kungacha qisqartirish; shuningdek, imzo varaqalarini qonun bilan belgilangan 10 kun o‘rniga besh kungacha tekshirish”, — dedi Markaziy saylov komissiyasi raisi o‘rinbosari Konstantin Petrov Nur-sultondagi komissiya yig‘ilishida.
Izoh (0)