O‘zbekistonda ijtimoiy himoya sohasida alohida vazirlik tashkil etiladi. Bu haqda Bosh vazir o‘rinbosari Aziz Abduhakimov Senatning 19-yalpi majlisida “Faol investitsiyalar va ijtimoiy rivojlanish yili” davlat dasturi doirasida birinchi chorakda amalga oshirilgan ishlar bo‘yicha hisoboti davomida ma’lum qildi.
”Ijtimoiy sohadagi uzoq vaqtdan beri hammamizni qiynab kelgan bir muammo, ya’ni sohada alohida mas’ul vazirlik tashkil etish masalasi ham 2019-yil davlat dasturiga kiritilgan.
Mazkur masala bo‘yicha deputatlar va senatorlarimiz ham tavsiyalarini berganlar. Bosh vazirning mazkur masala yuzasidan aniq topshirig‘i chiqdi. Albatta, qisqa muddatlarda mazkur topshiriq bajariladi”, — deya ta’kidladi Abduhakimov.
Izoh (0)