Mahalliy tadbirkorlardan biri Qarshi shahrida oziq-ovqat mahsulotlari saqlashga mo‘ljallangan sovutkichli omborxona qurish uchun 1 milliard so‘m miqdorida kredit olish maqsadida tijorat bankiga murojaat qiladi. Bu haqda O‘zA xabar bermoqda.
Belgilangan tartibga ko‘ra tadbirkorga bankdan kredit olish uchun dastlab sug‘urta kompaniyasiga murojaat qilishi lozimligi aytiladi. Tadbirkor “O‘zbekinvest” sug‘urta kompaniyasining Qarshi shahar bo‘limi boshlig‘i Sobir Karimovga borib uchrashganida u 4000 dollar evaziga 1 milliard so‘m miqdorida kredit ajratilishiga ko‘maklashishni va’da qiladi.
Davlat xavfsizlik xizmati Qashqadaryo viloyat boshqarmasi xodimlari tomonidan o‘tkazilgan tezkor tadbirda Sobir Karimov tadbirkordan 4 ming dollar olayotgan vaqtda ashyoviy dalillar bilan qo‘lga olindi.
Hozirda mazkur holat yuzasidan Sobir Karimovga nisbatan Jinoyat kodeksining tegishli moddalariga muvofiq jinoyat ishi qo‘zg‘atilib, tergov harakatlari olib borilmoqda.
Izoh (0)