Toshkent shahar yoshlar markazida dunyo turkiyzabon yosh ijodkorlari kengashining Ozarbayjondagi rahbari, shoir, jurnalist Intiqom Yashar bilan ijodiy uchrashuv tashkil etildi.
Adabiy suhbat mobaynida mehmon O‘zbekistondagi ijodga, adabiyotga bo‘lgan yuksak e’tiborni e’tirof etdi.
Tadbir davomida yosh ijodkorlarga mehmon o‘z kitoblaridan hamda Ozarbayjonning turli matbuot nashrlaridan taqdim etdi. Tadbir davomida bir guruh o‘zbek yosh ijodkorlari Ozarbayjon turkiyzabon yosh ijodkorlar kengashiga a’zolikka qabul qilingani e’lon qilindi va a’zolik guvohnomalari taqdim etildi.
Ijodiy uchrashuvdan so‘ng Ozarbayjon turkiyzabon yosh ijodkorlar kengashi hamda O‘zbekiston yosh ijodkorlar kengashi tashkilotlari o‘rtasida hamkorlik memorandumi imzolandi. Unga ko‘ra kelgusida ozarbayjon va o‘zbek yosh ijodkorlarining ijod namunalari jamlangan almanax chop etib borish, xalqaro adabiy uchrashuvlar, festivallar tashkil etish, yosh ijodkorlarni qo‘llab-quvvatlash kabi rejalar amalga oshirilishi belgilandi.
Izoh (0)