11-aprelning e’tiborga molik yangiliklari — “Daryo” dayjestida.
“Oltin humo” milliy kinotaqdimotida 2 yil ichidagi eng yaxshi film, aktyor va aktrisa aniqlandi.
“Oltin humo” milliy kinotaqdimotida “Eng yaxshi hujjatli film” nominatsiyasi g‘olibi “Ikki elning suyukli farzandi” filmi deb topildi.
Aktrisa Muyassar Berdiqulova “Nazira” filmidagi roli uchun “Eng yaxshi ayol roli” nomiga munosib ko‘rildi.
Karim Mirhodiyev “Sabot” filmidagi roli uchun “Eng yaxshi erkak roli” nominatsiyasi g‘olibi bo‘ldi.
Shuningdek, taqdimotning maxsus mukofoti “O‘zbek kinomatografiyasiga qo‘shgan hissasi uchun” nominatsiyasi g‘oliblari bo‘lganlarning har biriga 5 000 000 so‘mdan pul mukofoti berildi.
***
Toshkent shahri Sergeli tumanida qurilgan arzon uy-joylarning kredit to‘lovlari oshirilgani aholi noroziligiga sabab bo‘lmoqda.
Ma‘lum bo‘lishicha, Sergeli tuman aholisiga oradan yarim yil o‘tib, qurilayotgan “arzon” uy-joylar 2018-yilning 29-mayida 1 kvadrat metr narxi o‘rtacha 3 770 000 so‘m etib belgilangani haqida xat jo‘natilgan. Xatda haqiqiy xarajatlarni hisoblanib, yana narxlar oshirilishi mumkin degan ibora qo‘shib qo‘yilgan.
Oliy Majlisining inson huquqlari bo‘yicha vakili (ombudsman) hamda deputat Rasul Kusherboyev ushbu holatga munosabat bildirdi.
O‘zbekiston Respublikasi Bosh vaziri Abdulla Aripov esa Sergelidagi yangi uylar narxi qayta ko‘rib chiqilishini ma’lum qildi.
***
Jasurbek Ibrohimovning o‘limida ayblanib, 6 yilga qamalgan yigit ozodlikka chiqarildi.
Borovskiy kolleji o‘quvchisi Jasurbek Ibrohimovning o‘limi ishi bo‘yicha 2017-yil kuzida sudlangan uning kollejdoshi — Islombek To‘laganov muddatidan avval ozodlikka chiqarilgan.
Jazoning o‘talmagan qismi 4 yil 5 oy 15 kun davomida axloq tuzatish ishlari va ish haqining davlat hisobiga 20 foizi ushlanib qolishiga almashtirildi.
***
Toshkentda milliy liboslar bilan shug‘ullanuvchi 34 yashar tadbirkor ayovsiz kaltaklandi.
Surxondaryodagi xalqaro baxshichilik festivali uchun liboslar tayyorlab bergan 34 yashar tadbirkorga ko‘plab jarohat yetkazilgani aytilmoqda.
Toshkent shahar Ichki ishlar bosh boshqarmasi tadbirkorga tan jarohatlari yetkazgan shaxslarga nisbatan jinoiy ish qo‘zg‘atilganini ma’lum qildi.
***
Fattoh Shodiyev Sirdaryo viloyatini obodonlashtirish uchun 40 milliard so‘m ajratdi.
Mazkur mablag‘lar “Obod qishloq” dasturi doirasida chekka qishloqlarini obodonlashtirish, aholini turmush tarzini yaxshilash uchun yo‘naltiriladi.
Shuningdek, mablag‘ning bir qismi Xovos tumanida barpo etilayotgan Xovos city qurilishiga sarflanishi ko‘zda tutilmoqda.
Izoh (0)