Farg‘ona viloyati bojxona boshqarmasi tomonidan huquqni muhofaza qiluvchi boshqa idoralar xodimlari bilan hamkorlikda navbatdagi tezkor tadbir o‘tkazildi. Bu haqda “Daryo”ga Bojxona qo‘mitasi axborot xizmati ma’lum qildi.
Tadbir davomida Farg‘ona viloyati, Qo‘shtepa tumanida yashovchi fuqaro M.T.ning yashash xonadoni belgilangan tartibda ko‘zdan kechirildi. Xonadondagi shkaf ichidan 3 litr va 2 litr xajmli shisha idishlarda hamda 2 dona gugurt qutida, shuningdek, xona tokchasi ustidagi 2 dona sariq rangli qutilarga joylashtirilgan och-yashil rangli, o‘tkir hidli giyohvand moddalar saqlanayotgani aniqlandi.
Bundan tashqari, xonadonning yerto‘lasida ham qora rangli polietilen paketlarga joylashtirilgan “marixuana” giyohvand moddasi borligi aniqlandi.
Ushbu xonadonda ashyoviy dalil tariqasida olib qo‘yildi narkotik moddalar umumiy hisobda 1 kilogramm 369 gramm og‘irlikda ekan.
Hozirda mazkur holat yuzasidan tergovga qadar tekshiruv harakatlari olib borilmoqda.
Izoh (0)