Hindistonda bo‘lib o‘tayotgan parlament saylovlari ishtirok etayotgan ovoz beruvchilarning soniga ko‘ra dunyoda eng yirik bo‘lishi mumkin, deb yozadi “Vesti.ru”.
Qayd etilishicha, unda 900 millionga yaqin saylovchilar ishtirok etishi mumkin. Shuningdek, u dunyoda eng qimmat saylov bo‘lib, sarflangan xarajatlarning umumiy qiymati yetti milliard dollarni tashkil etgan. O‘rta hisobda har bir saylovchiga sakkiz dollardan to‘g‘ri kelgan.
Saylovda asosiy kurash ikki yetakchi siyosiy kuch — amaldagi Bosh vazir Narendra Modi partiyasi va muholifatchi Hindiston milliy kongressi o‘rtasida bo‘lib o‘tadi. Ovozlar hisob-kitobi 23-may kuni tugatilishi lozim.
Izoh (0)