Dunyoda odamlar eng ko‘p qatl etiladigan davlatlar ma’lum qilindi

Amnesty International xalqaro nodavlat tashkiloti ma’lumotiga ko‘ra, Xitoy o‘tgan yili amalga oshirilgan o‘lim jazosi soni bo‘yicha dunyoda yetakchi bo‘ldi, deb xabar berdi “Korrespondent.net”.

Bunday ma’lumotlar sir tutilishi sababli huquq-tartibot organlari o‘lim jazosi bilan qatl etilgan odamlarning aniq sonini ma’lum qilmagan. Ammo Xitoyda minglab odamlar qatl etilganini ta’kidlab o‘tilgan.

Amnesty International reytingida ikkinchi o‘rinni Eron davlati egallagan. Bu davlatda 253 dan ortiq odamlar qatl etilgan. Keyingi o‘rinlarni Saudiya Arabistoni (149), Vyetnam (85) va Iroq (52) egallagan.

2018-yilning yanvar oyidan dekabr oyiga qadar dunyo bo‘yicha umumiy hisobda 690 dan ortiq odamlar qatl etilgan. Bu 2017-yilga nisbatan 31 foizga kam bo‘lib, 993 nafardan ortiq odam qatl etilgan.