Tramp Saudiya Arabistoni valiahd shahzodasi bilan Eronga bosimni kuchaytirishni muhokama qildi

AQSh prezidenti Donald Tramp Saudiya Arabistoni valiahd shahzodasi Muhammad bin Salmon bilan telefon orqali muloqotda bo‘ldi. Bu haqda “Interfaks” xabar bermoqda.

Oq uy matbuot xizmatiga ko‘ra, “tomonlar Saudiya Arabistonining Yaqin Sharqda barqarorlikni ta’minlashdagi o‘rni, Eronga maksimal darajada bosim o‘tkazish va inson huquqlari masalalari muhimligini muhokama qildi”.

Eslatib o‘tamiz, mazkur muloqot arafasida AQSh Washington Post jurnalisti Jamol Qoshiqchining o‘limida aloqador hisoblab, Saudiya Arabistonining 16 nafar fuqarosiga mamlakat hududiga kirishni taqiqladi.