O‘tgan yili dunyo bo‘yicha mehnat muhojirlari o‘z yurtlariga 689 milliard dollar jo‘natgan. 2017-yilda bu ko‘rsatkich 633 milliard dollarni tashkil etgandi, deya xabar beradi “Korrespondent.net”.
Jahon banki ekspertlariga ko‘ra, mazkur o‘sish birinchi galda AQShda iqtisodiy vaziyat yaxshilangani va bandlik ko‘rsatkichlari oshgani bilan bog‘liq. Shuningdek, Fors ko‘rfazi davlatlari va Rossiyadan o‘tkazmalar hajmlari ham tiklangan.
Polsha, Rossiya, Ispaniya va AQSh Yevropa hamda Markaziy Osiyodagi kam va o‘rta daromadli davlatlarga o‘tkazmalarning asosiy manbalariga aylangani bildirilmoqda. Jumladan, Ukrainaga mehnat muhojirlaridan o‘tkazmalar soni rekord summa — 14 milliard dollarni tashkil etdi.
Iqtisodiyotida o‘tkazmalar muhim o‘rin tutadigan O‘zbekiston, Tojikiston va Qirg‘iziston Rossiyada iqtisodiy faollik tiklanganidan unumli foydalandi.
Izoh (0)