Toshkentning Mirzo Ulug‘bek tumanidagi turar-joylardan birining xonadonida tabiiy gaz bilan to‘ldirilgan havo sharlari yorilib ketdi, deb xabar beradi Toshkent shahar IIBB. Gaz-havo aralashmasi chaqnashi natijasida 16 yoshli qiz kuyish jarohatlari olib, kasalxonaga yotqizildi.
Aniqlanishicha, xonadonda 25 ta havo shari bo‘lgan. Tug‘ilgan kun ziyofati chog‘ida ustidagi shamlari yoqilgan tort yonida tabiiy gaz bilan to‘ldirilgan shar yorilib ketgan.
Qizlarning aytishicha, ular sharlarni internetdagi e’lon bo‘yicha sotib olgan. Ayni paytda tekshiruv olib borilmoqda.
IIBB havo sharlarini sotib olishda va ulardan foydalanishda ehtiyot bo‘lishga, sharlar tabiiy gaz emas, geliy bilan to‘ldirilganiga ishonch hosil qilishga chaqirdi.
Izoh (0)