O‘zAda 2019-yil 8-aprel kuni “Qonliko‘lda tadbirkorlar tuman hokimiga qarshi janjal ko‘tarmoqda” nomli Qonliko‘l tumani tadbirkorlarining murojaati chop qilingandi.
Murojaatda tadbirkorlarning tuman hokimligi tomonidan ularning kelishuvisiz savdo do‘konlarining buzilishi rejalashtirilayotganligi, lekin unga kompensatsiya puli to‘lanmasligi ma’lum bo‘lganligi bo‘yicha shikoyati berilgan.
Mazkur murojaat yuzasidan tuman hokimi D.Tolibayev tadbirkorlarning hech birining do‘koni buzilmaganligini, lekin ogohlantirilganligini, do‘konlar buzilgan taqdirda ham ularga kompensatsiya puli to‘lanishi yoki qurilish uchun yer maydoni berilishi nazarda tutilganligini ma’lum qildi.
Ushbu tadbirlar Qonliko‘l tumani markazini kompleks ijtimoiy-iqtisodiy rivojlantirish bo‘yicha Hukumat topshiriqlarini ijro etish yuzasidan olib borilayotganligini ta’kidlaydi. Quyida tuman hokimligi tomonidan yozma ravishda berilgan rasmiy munosabatini e’tiboringizga havola qilamiz.
“Qonliko‘l tumani hokimining 2019-yil 27-mart kuni “Qoraqalpog‘iston Respublikasi Jo‘qorg‘i Kengesining 2019-yil 25-martdagi Qonliko‘l tumanini kompleks ijtimoiy-iqtisodiy rivojlantirish bo‘yicha amalga oshiriladigan chora-tadbirlar haqidagi 17-sonli majlis bayoni topshiriqlarining bajarilishini ta’minlash to‘g‘risida”gi 660/3-sonli qarori qabul qilingan.
Tuman markazini zamanoviy arxitekturaviy ko‘rinishga keltirish maqsadida tumanning bosh rejasi ishlab chiqilib, ushbu bosh rejada Qonliko‘l tumani markazidagi “Garezsizlik” ko‘chasi, tuman tibbiyot birlashmasi binosi hamda tuman ko‘p tarmoqli markaziy poliklinikasi binolari yonida joylashgan 54 ta eski savdo dukonlari o‘rniga aholiga tibbiy xizmat ko‘rsatish markazlari va dorixonalar qurish rejalashtirilgan. “Garezsizlik” ko‘chasining torligi, ko‘chaning bir tomonida tuman tibbiyot birlashmasi hamda tuman ko‘p tarmoqli markaziy poliklinikasi, ikkinchi tomonida eski savdo o‘rinlarining joylashganligi, ko‘chada avtomobil qatnovining ko‘pligi oqibatida yul transport xodisalari ko‘p uchramokda.
Qoraqalpog‘iston Respublikasi Jo‘qorg‘i Kengesi Raisining 2019-yil 25-mart kungi majlis bayonnomasining 20-bandida Qonliko‘l tumani markazi zamonaviy arxitektura qiyofasini yaxshilash maqsadida “Garezsizlik” ko‘chasi buyidagi markaziy kasalxona binosi oldida joylashgan eski savdo do‘konlarini “Altinko‘l guzari” ko‘chasi bo‘yida joylashgan yangidan qurilgan Qonliko‘l dehqon bozori atrofiga ko‘chirish choralarini ko‘rish topshirilgan. Ko‘chirib o‘tiladigan savdo dukonlari uchun tadbirkorlarga qulay sharoit yaratish maqsadida Qonliko‘l dehqon bozori yonidan yer maydonlari ajratilgan.
O‘zbekiston Respublikasi Vazirlar Maxkamasining 2006-yil 29-maydagi “Davlat va jamoat ehtiyojlari uchun yer uchastkalarining olib qo‘yilishi munosabati bilan fuqarolarga va yuridik shaxslarga yetkazilgan zararlarni qoplash tartibi to‘g‘risida nizomni tasdiqlash haqida”gi 97-sonli qarori asosida tegishli tartibda baholash va kompensatsiya to‘lovlarini amalga oshirish ishlari olib boriladi. Ushbu masalalar yuzasidan joriy yil 23 mart kuni tuman hokimligida hokim va tadbirkorlar uchrashuvida tushuntirishlar berilgan edi.
Tuman markazidagi “Garezsizlik” ko‘chasi bo‘yida joylashgan 54 ta eski savdo do‘kon egasi bo‘lgan tadbirkorlarga imoratlarini buzib ko‘chirish, berilgan yer uchastkalariga yangidan do‘kon imorati qurib bitkizilganga qadar O‘zbekiston Respublikasi Prezidentining PQ-2853-sonli qarori 10-xatboshiga asosan “NBU BUNYODKOR INVEST” bozor qurilish direksiyasi tomonidan “Oltinko‘l guzari” ko‘chasi bo‘yida 2018-yilning may oyida to‘liq qurib bitkazilgan qiymati 4 milliard 152,3 million so‘mlik 178 o‘rinli supermarket binosi, 1 ta 100 o‘rinli, 1 ta 50 o‘rinli naveslardan foydalangan holda savdo faoliyatini amalga oshirishi mumkinligi tushuntirildi.
Bugungi kunda tuman markazidagi “Garezsizlik” ko‘chasi bo‘yida joylashgan 54 ta eski savdo do‘konlarida buzish yoki boshqa o‘ringa ko‘chirish ishlari boshlanmaganligini hamda bironta tadbirkorning do‘kon imoratiga zarar yetkazilmaganini ma’lumot uchun bildiramiz”.
Izoh (0)