2019-yil 8-aprel kunidan 9-aprel kuniga o‘tar kechasi soat 01:15 larda, Buxoro viloyati Qorako‘l tumani, “Solur” MFY hududidan o‘tuvchi “Samarqand—Buxoro—Turkmanboshi” yo‘nalishidagi Xalqaro M-37 avtomobil yo‘lidagi Qandim GPZ temir yo‘lining 2-km.da yo‘lni kesib o‘tayotgan Turkiya Respublikasi fuqarosi Zaki Kiraj o‘zining boshqaruvida bo‘lgan Mercedes-Benz rusumli davlat raqami TR 76 DH 642 bo‘lgan tirkamali yuk avtomashinasi bilan yo‘lini kesib o‘tayotgan TEM2-5808-raqamli teplovozning yoqilg‘i bakiga urib, yo‘l-transport hodisasi sodir etgan. Bu haqda O‘zbekiston Bosh prokuraturasi matbuot xizmati “Daryo”ga ma’lum qildi.
Natijada, Turkiya Respublikasi fuqarosi Zaki Kiraj og‘ir tan jarohatlari olib hodisa joyida vafot etgan.
Mazkur holat yuzasidan Qorako‘l tuman IIB tomonidan JKning 266-moddasi (Transport vositalari harakati yoki ulardan foydalanish xavfsizligi qoidalarini buzish) 2-qismi bilan jinoyat ishi qo‘zg‘atilib, tergov harakatlari olib borilmoqda.
Tergov harakatlari viloyat prokuraturasi tomonidan nazoratga olingan.
Avvalroq Buxoro viloyatining Qorako‘l tumanida poyezd va yuk mashinasi to‘qnashgani videosi paydo bo‘lgan edi.
Izoh (0)