8-aprel kuni Kolumbiya Bosh prokurori Nestor Umberto Martines mamlakat prezidenti Ivan Dukega qarshi suiqasd uyushtirilayotganidan xabar topganini ma’lum qildi. Bu haqda “TASS” xabar berdi.
Uning aytishicha, hujum 9-aprel kuni prezidentning Kauka g‘arbiy departamentiga tashrifi chog‘ida sodir etilishi mumkin. U yerda prezidentning tub xalq yetakchilari bilan uchrashuvi rejalashtirilgan.
“Hududga kirgan ba’zi noqonuniy tuzilmalar prezidentga qarshi terrorchilik harakatini amalga oshirishi mumkin”, — degan Umberto Martines.
Duke 9-aprel kuni Kolumbiya tub aholisi yetakchilari bilan muzokaralar o‘tkazadi. Ular 10-martdan beri o‘z huquqlarining hurmat qilinishi, moliyalashni oshirish va xavfsizlikni kuchaytirishni talab qilib Kauka departamentida norozilik bildirmoqda. Norozilik chiqishlari oqibatida Panamerika shossesining bir qismi yopilgan.
Izoh (0)