AQSh politsiya xodimlari Donald Trampning Floridadagi Mar-a-Lago qarorgohiga 2-aprel kuni noqonuniy yo‘l bilan kirgan xitoylik ayol Yuszin Chjanning mehmonxonadagi xonasini tintuv qilganda yashirin kameralarni aniqlash qurilmasini topdi. Bu haqda “Interfaks” xabar berdi.
Yuszin ishi bo‘yicha sud majlisida prokuratura vakillari yashirin kameralarni aniqlash qurilmasidan tashqari bir necha ming dollar naqd pul, xitoylik ayol nomiga ochilgan bank kartasi, to‘qqizta fleshka va beshta simkarta topilganini aytgan.
Prokuraturada Yuszin Chjan AQShda bo‘lgan paytda bila turib yolg‘on ma’lumot bergani va u garov evaziga qo‘yib yuborilishi aytilgan.
Xabarda aytilishicha, sud uni garov evazigi ozod qilish haqida 15-aprel kuni qaror chiqaradi.
Izoh (0)