O‘zbekiston Respublikasi Prezidentining fuqarolar huquqlarini himoya qilish, murojaatlar bilan ishlashni nazorat qilish va muvofiqlashtirish masalalari bo‘yicha maslahatchisi (Tursinxon Xudaybergenov) bo‘linmalari boshqa manzilga ko‘chib o‘tgan. Bu haqda “Daryo”ga Xalq qabulxonalaridagi manbasi ma’lum qildi.
Eslatib o‘tamiz, Xalq qabulxonasi ushbu bo‘linmalar tuzilmasi tarkibiga kiradi. Xalq qabulxonalarining boshqaruv xodimlari esa Prezident Administratsiyasining xodimlari hisoblanadi.
Amir Temur shoh ko‘chasi, 14-uyda (Toshkent viloyati hokimligining avvalgi binosi) joylashgan bo‘linmalar Navoiy shoh ko‘chasi, 4-uyga (sobiq Qishloq va suv xo‘jaligi vazirligi binosi) ko‘chgan. Qishloq xo‘jaligi vazirligi ma’muriyati esa bir muncha muqaddam Toshkent viloyati, Qibray tumani, Universitet ko‘chasi, 2-uyga joylashtirilgan edi.
Shuningdek, O‘zbekiston Respublikasi Oliy Majlisi Senati ham Tashqi ishlar vazirligi binosiga ko‘chib o‘tadi. Bu haqda avval ham xabarlar tarqalgandi, hatto Senat apparati xodimlari va senatorlar ko‘chirilib, ammo TIV binosi jiddiy ta’mirga muhtojligi tufayli yana Mustaqillik maydonida joylashgan o‘z binosiga qaytib kelgandi.
Tashqi ishlar vazirligi esa, avval aytilganidek, Xalq bankining avvalgi bosh ofisi (Toshkent shahri hokimligining sobiq binosi)ga joylashtirilgan.
Ma’lumot uchun, ayni vaqtda Senat binosi Prezident qarorgohi hisoblanadi.
Izoh (0)