Bugun, 5-aprel kuni tongda Samarqand viloyatining tog‘li tumanlarida kuchli sel keldi. Jumladan, Urgut, Bulung‘ur, Qo‘shrabot, Ishtixon tumanlarida soylar to‘lib suv oqqan, deb yozadi “Zarnews.uz”.
Eng kuchli sel Qo‘shrabot tumanidan Ishtixondagi Oqdaryoga kelib quyiladigan soy irmog‘ida oqqan va suv soy o‘zanidan toshib chiqib ketgan. Bu haqida Twitter ijtimoiy tarmog‘ida Anvar Shermatov ismli foydalanuvchi ma’lum qilib o‘tdi.
Natijada Ishtixonda qurilgan namunali yangi uylar atrofi suv bilan qoplangan.
Avvalroq Qashqadaryoda yoqqan kuchli yomg‘ir va do‘l qishloq yo‘llarini vayron qilgani xabar berilgan edi.
Izoh (0)