Yaqinda “Ijtimoiy fikr” jamoatchilik fikrini o‘rganish markazi tomonidan O‘zbekistonda fuqarolarning reproduktiv bilimlari, reproduktiv salomatlik va reproduktiv huquq xususidagi tushunchalarini aniqlash maqsadida ijtimoiy so‘rov o‘tkazildi. Bu haqda “Xalq so‘zi” xabar berdi.
Sotsiologik tadqiqotda fuqarolardan oilada qancha farzand ko‘rish istagi borligi ham so‘ralgan. Ma’lum bo‘lishicha, o‘zbekistonliklarning ko‘pchiligi uch (35 foiz) yoki to‘rt (30,8 foiz) bolali oilani afzal deb biladi. Yoshlar orasida bu borada quyidagicha qarash shakllangani e’tiborga loyiq: 18-20 yosh guruhidagi respondentlarning 57,1 foizi, 21-30 yosh oralig‘idagilarning esa 42 foizi oilada uch nafar farzand ko‘rishni xohlashlarini bildirgan.
Besh yoki undan ko‘p bolali bo‘lish orzusidagilar esa tadqiqot ishtirokchilarining 13,2 foizini tashkil etgan. Ular asosan Surxondaryo (34,8 foiz), Xorazm (19 foiz) va Qashqadaryo (18,8 foiz) viloyatlarida istiqomat qiladigan fuqarolar ekani ma’lum bo‘lgan.
Izoh (0)