Яқинда «Ижтимоий фикр» жамоатчилик фикрини ўрганиш маркази томонидан Ўзбекистонда фуқароларнинг репродуктив билимлари, репродуктив саломатлик ва репродуктив ҳуқуқ хусусидаги тушунчаларини аниқлаш мақсадида ижтимоий сўров ўтказилди. Бу ҳақда «Халқ сўзи» хабар берди.
Социологик тадқиқотда фуқаролардан оилада қанча фарзанд кўриш истаги борлиги ҳам сўралган. Маълум бўлишича, ўзбекистонликларнинг кўпчилиги уч (35 фоиз) ёки тўрт (30,8 фоиз) болали оилани афзал деб билади. Ёшлар орасида бу борада қуйидагича қараш шакллангани эътиборга лойиқ: 18-20 ёш гуруҳидаги респондентларнинг 57,1 фоизи, 21-30 ёш оралиғидагиларнинг эса 42 фоизи оилада уч нафар фарзанд кўришни хоҳлашларини билдирган.
Беш ёки ундан кўп болали бўлиш орзусидагилар эса тадқиқот иштирокчиларининг 13,2 фоизини ташкил этган. Улар асосан Сурхондарё (34,8 фоиз), Хоразм (19 фоиз) ва Қашқадарё (18,8 фоиз) вилоятларида истиқомат қиладиган фуқаролар экани маълум бўлган.
Изоҳ (0)