O‘zbekistonda fuqarolar yig‘inlari raislari va mas’ul kotiblari oylik ish haqi fondi joriy yilda bosqichma-bosqich 1,5 baravarga oshiriladi. Bu Prezidentning “Aholi muammolari bilan ishlashda mahalla institutining mavqeini tubdan oshirish chora-tadbirlari to‘g‘risida” farmonida ko‘zda tutilgan.
Ushbu xodimlarning oylik ish haqi joriy yil 1-maydan 1,25 baravarga va 1-oktabrdan 1,2 baravarga oshiriladi.
Farmon bilan fuqarolar yig‘inlari raislari va mas’ul kotiblari lavozimlarining davlat byudjeti hisobidan moliyalashtiriladigan mehnatga haq to‘lash fondi tarkibi tasdiqlandi.
2019-yil 1-iyundan boshlab fuqarolar yig‘inlari xodimlari bilan mehnat shartnomalarini tuzish va bekor qilish fuqarolarning o‘zini o‘zi boshqarish organlari faoliyatini muvofiqlashtirish bo‘yicha tuman (shahar) kengashlari raislarining birinchi o‘rinbosarlari tomonidan amalga oshiriladi.
Izoh (0)