Toshkent shahar Mirobod tumanida joylashgan “Valixo‘ja o‘g‘li Norxo‘ja” jome’ masjidida qayta ta’mirlash ishlari o‘z nihoyasiga yetgani munosabati bilan 30-mart kuni binoning ochilish tadbiri bo‘lib o‘tdi. “Azon.uz”ning yozishicha, masjid o‘zining ko‘rkam va zamonaviy ko‘rinishga ega ekanligi bilan diqqatga sazovordir.
Tadbirda O‘zbekiston musulmonlari idorasi raisi o‘rinbosari Ibrohimjon Inomov, Toshkent shahar bosh imom-xatibi Rahimberdi Rahmonov, O‘zbekiston musulmonlari idorasi masjidlar bo‘limi mudiri Muhammadnazar Qayumov, tuman bosh imom-xatiblari hamda ko‘plab mahalliy aholi vakillari qatnashdi.
“Tadbir Qur’on tilovati va xayrli duolar bilan boshlanib, tashrif buyurganlarga ehson dasturxoni yozildi”, — deyiladi xabarda.
Izoh (0)