O‘zbekiston Prezidenti Shavkat Mirziyoyev Buxoro viloyatiga tashrifi chog‘ida bugungi kunda Buxoro viloyatida 35 mingdan ziyod ayollar ish bilan ta’minlanmagani, xotin-qizlar jinoyatchiligi saqlanib qolayotgani ko‘rsatib o‘tildi.
“Prezidentimiz bu holat milliy mentalitetimizga yotligi,buyuk tarix va yuksak salohiyatga ega bo‘lgan Buxoroga mutlaqo yarashmasligini ta’kidladi”, — deyiladi Prezident matbuot xizmati axborotida.
“Joriy yil oxirigacha ayollarning ijtimoiy muammolarini hal qilish, ish bilan ta’minlash, jinoyatchilik sodir etmasligi uchun zarur choralarni ko‘rib, Buxoro viloyatini xotin-qizlar bilan bog‘liq barcha masalalar bo‘yicha eng namunali hududga aylantirishimiz kerak”, — deb ta’kidlagan Shavkat Mirziyoyev.
Buning uchun Xotin-qizlar qo‘mitasi, “Oila” ilmiy-amaliy markazi, mahalla va ichki ishlar organlari birgalikda ishlashi, har bir ayol bilan suhbatlashib, muammolari bo‘lsa, kerakli yordam berishi zarurligi ta’kidlangan.
“Ko‘plab muammolarga, ayolning jinoyatga qo‘l urishiga ajrimlar sabab bo‘layotgani, uning oldini olish uchun yoshlarning, ota-onalarning mas’uliyatini oshirish, bu boradagi qonunchilikni takomillashtirish kerakligi qayd etildi”, — deyiladi rasmiy axborotda.
Izoh (0)