Toshkent viloyatida “Tuyabo‘g‘iz” kichik gidroelektr stansiyasi foydalanishga topshirildi

Toshkent viloyatida “Tuyabo‘g‘iz” kichik gidroelektr stansiyasi foydalanishga topshirildi. Bu haqda “Xalq so‘zi” xabar berdi.

Ushbu inshoot mustaqil O‘zbekiston tarixida foydalanishga topshirilgan birinchi GES sanaladi.

GESning loyihaviy qiymati 15,8 million dollarga teng bo‘lib, shundan 8,1 million dollari Xitoy “Eksimbank”i tomonidan moliyalashtirildi.

Tuyabo‘g‘iz suv ombori qoshidagi ushbu kichik GES 14 oy ichida qurib bitkazildi. Ilgari bunday inshootni barpo etish uchun kamida uch yil vaqt sarflanar edi.

GESning umumiy quvvati 11,4 megavattga teng. Bu bilan yiliga o‘rtacha 41,2 million kilovatt/soat elektr energiyasi ishlab chiqariladi, 1600 xonadonning elektr tokiga bo‘lgan ehtiyoji to‘liq ta’minlanadi.