Тошкент вилоятида «Туябўғиз» кичик гидроэлектр станцияси фойдаланишга топширилди. Бу ҳақда «Халқ сўзи» хабар берди.
Ушбу иншоот мустақил Ўзбекистон тарихида фойдаланишга топширилган биринчи ГЭС саналади.
ГЭСнинг лойиҳавий қиймати 15,8 миллион долларга тенг бўлиб, шундан 8,1 миллион доллари Хитой «Эксимбанк»и томонидан молиялаштирилди.
Туябўғиз сув омбори қошидаги ушбу кичик ГЭС 14 ой ичида қуриб битказилди. Илгари бундай иншоотни барпо этиш учун камида уч йил вақт сарфланар эди.
ГЭСнинг умумий қуввати 11,4 мегаваттга тенг. Бу билан йилига ўртача 41,2 миллион киловатт/соат электр энергияси ишлаб чиқарилади, 1600 хонадоннинг электр токига бўлган эҳтиёжи тўлиқ таъминланади.
Изоҳ (0)