25-mart, dushanba kuni Xitoyning Nanning shahrida bo‘lib o‘tayotgan futbol bo‘yicha “China Cup—2019” xalqaro musobaqasining uchinchi o‘rni uchun o‘yin yakunlandi.
Musobaqa yarim finalida Urugvayga mag‘lub bo‘lgan Ektor Kuper qo‘l ostidagi O‘zbekiston terma jamoasi Fabio Kannavaro boshliq mezbon jamoa Xitoy termasi bilan bahs olib bordi.
Bellashuvning 35-daqiqasida Eldor Shomurodov tomonidan kiritilgan gol O‘zbekistonning g‘alabasini ta’minladi (1:0). Goldan 1 daqiqa o‘tib, Otabek Shukurov jarohat oldi. 42-daqiqada esa uning o‘rniga Odil Ahmedov zaxiradan maydonga tushdi.
Shu tariqa O‘zbekiston terma jamoasi “China Cup—2019” musobaqasini 3-o‘rin bilan yakunladi.
China Cup—2019
3-o‘rin bahsi
25-mart, dushanba
Xitoy—O‘zbekiston 0:1
Gol: 0:1 — 35 Eldor ShomurodovXitoy: Yan Junling, Zang Lingpeng, Fu Xuan (Lyu Yan, 46), Gao Zunyi (Van Gan, 58), Li Ang, Vu Shi, Tan Long, Xi Chao (Xao Szyunmin, 58), Zang Xiuvey (Van Yunpo, 84), Dong Xuyesheng (Si Penfey, 58), Vei Shixao
O‘zbekiston: Sanjar Quvvatov, Akmal Shorahmedov, Anzur Ismoilov, Islom To‘xtaxo‘jayev, Oleg Zoteyev, Odil Hamrobekov, Otabek Shukurov (Odil Ahmedov, 42), Javohir Siddiqov (Doston Hamdamov, 70), Ikrom Aliboyev, Jaloliddin Masharipov, Eldor Shomurodov (Temurxo‘ja Abduholiqov, 72).
Ogohlantirishlar: Anzur Ismoilov (31), Vey Shixao (37)
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)