Namangandagi“Markaziy” stadionida “Navbahor” futbol klubining yangi o‘yinchilarini tanishtirish marosimi o‘tkazildi. Bu haqda marosimda ishtirok etgan “Daryo” muxbiri xabar bermoqda.
Tadbirni viloyat hokimi, viloyat futbol assotsiatsiyasi prezidenti Xayrullo Bozorov boshlab berdi.
U jamoaga yangi kelgan futbolchilarni qutlar ekan, ular “Navbahor” klubining ko‘zlangan marralarni egallashida hissa qo‘shishiga umid bildirdi.
Shundan so‘ng ushbu futbolchilarni tanishtirish va ularga klub formalarini topshirish marosimi boshlandi.
Demak:
O‘tkir Yusupov — darvozabon, “Qo‘qon-1912” jamoasidan taklif etilgan;
Azimjon Ahmedov — yarim himoyachi, “Paxtakor”;
G‘iyos Komilov — himoyachi, “Qo‘qon-1912”;
Obid Jo‘raboyev — himoyachi, “Istiqlol”;
Zafar To‘rayev — yarim himoyachi, “Metallurg”;
Aziz Ibragimov — hujumchi, “Buxoro”;
Slavko Lukich—himoyachi, “Zemun” (Serbiya);
Aleksandr Kasyan — hujumchi, “Avangard” (Rossiya);
Ivan Solovyov — yarim himoyachi, “Sochi” (Rossiya);
Abdujamol Isroilov — yarim himoyachi, “Neftchi”;
Shahzod Shaymanov — yarim himoyachi, “Metallurg”;
Bahodir Nasimov — hujumchi, “Keshla” (Ozarbayjon);
Elman Tagayev — yarim himoyachi, “Axal” (Turkmaniston);
Abbos G‘ulomov — yarim himoyachi, “Sho‘rtan”;
Hojiakbar Yunusov — himoyachi, “Navbahor” yoshlar jamoasi.
Futbolchilar tanishtiruvidan so‘ng so‘z olgan jamoa bosh murabbiyi Andrey Kanchelskis va jamoa sardori Jahongir Mehmonov “Navbahor” klubi bu yil peshqadamlik uchun astoydil kurash olib borishiga muxlislarni ishontirdi va ularni jamoani doimo qo‘llab-quvvatlashga chaqirdi.
Marosimdan so‘ng assotsiatsiya, klub rahbariyati hamda o‘yinchilar yaqinda chim yotqizish ishlari yakuniga yetkazilgan “Markaziy” stadioni maydoni holati bilan tanishdi.
Izoh (0)