Google o‘n yilda o‘z logotipini o‘zgartirishga qaror qildi. Yangilanishda logotipning yorqin rangli qismlari xira ranglarga almashtirildi. Ammo kompaniya bu haqda rasman e’lon qilmadi. Bu haqda Meduza xabar berdi.
Yangilanishga ko‘ra, qizil sariq rangga, sariq yashil rangga, yashil esa ko‘k rangga sekin astalik bilan qo‘shilib ketadi. Ilgari bu ranglar chegarasi yaqqol ajratilgan edi. Bu uni Google’ning sun’iy intellekt chatboti Gemini logotipiga o‘xshatib qo‘ygan.
Yangi belgi 11-maydan boshlab iOS foydalanuvchilari tomonidan ishlatilib kelinmoqda. 12-may kuni esa u Android foydalanuvchilariga taqdim etilgan.
Logotip oxirgi marta 2015-yilda o‘zgartirilgan. Unga ko‘ra, kichik g harfi bosh G harfi bilan almashtirilgan.
Izoh (0)