20-mart sanasidan boshlab o‘z zimmasidan prezidentlik vakolatlarini soqit qilishi to‘g‘risida qarorga imzo chekkan Qozog‘iston yetakchisi Nursulton Nazarboyev Oqo‘rdadagi qarorgohidan Qozog‘istonning birinchi prezidenti kutubxonasi binosiga ko‘chib o‘tadi, deb xabar berdi Sputnik.
“Men o‘z xalqini, o‘z vatanini sevadigan fuqaro sifatida yonlaringizda qolayapman”. Deyarli 30 yil davomida Qozog‘istonni boshqarib kelgan Nursulton Nazarboyev xuddi shu so‘zlar bilan o‘z prezidentlik vakolatlarini to‘xtatishi haqida e’lon qildi.
Ostonada joylashgan majmua kutubxona, arxiv, muzey, analitika, madaniy-ma’rifiy va ilmiy-tadqiqot markazi vazifasini bajaradi.
Ayni vaqtda vaqtinchalik prezident vazifasini bajaruvchi etib tayinlangan Tokayev mamlakat parlamentining qo‘shma majlisida tantanali ravishda qasamyod keltirdi.
Izoh (0)