20-mart kuni Qozog‘iston parlamenti palatalarining qo‘shma yig‘ilishida Dariga Nazarboyeva Senat spikeri etib saylandi. Bu haqda “Zakon.uz” xabar bermoqda.
Yashirin ovoz berish jarayonida 44 nafar senator ishtirok etdi. Ularning barchasi nomzodni qo‘llab-quvvatladi.
Dariga Nazarboyeva 1963-yilda tug‘ilgan. Moskva davlat universiteti va Qozoq davlat universitetini tamomlagan. U oxirgi paytda Senat xalqaro munosabatlar, mudofaa va xavfsizlik qo‘mitasini boshqarayotgandi.
Ma’lumot uchun, Dariga Nazarboyeva Qozog‘iston prezidenti lavozimini egallagan Qosim-Jo‘mart Tokayev o‘rniga spiker etib saylandi.
Izoh (0)