Hindistonda shifokorlar bemorning nafas yo‘llariga kirib qolgan o‘qni olib tashlashga erishdi, deb yozadi Daily Mail.
Qayd etilishicha, Xaryan shtatining Gurgaon shahridagi kasalxonaga bir necha joydan o‘q bilan yaralangan bemor olib kelingan. Shifokorlar uni tekshirib ko‘rib qorin, tirsak va jag‘ sohasida o‘q yaralarini topgan. Dastlabki ikki holatda shifokorlar o‘qni topib, uni olib tashlashga erishgan. Biroq dahanidagi yarada o‘q bo‘lmagan.
Shifokorlar bemorni rentgen qilib, o‘q uning nafas yo‘llarida tiqilib qolganini aniqlagan. U ikki bosqichda olib tashlangan. Dastlab maxsus qisqich yordamida o‘qning qobig‘i olib tashlangan, so‘ng o‘t pufagidagi toshlarni olishda foydalaniladigan asbob yordamida yadro chiqarib olingan.
Bemor tirik qolgan. Shifokorlar, shuningdek, uni nogiron bo‘lib qolishdan asrab qolgan.
Izoh (0)