Navro‘z umumxalq bayrami munosabati bilan Andijon tumani IIBning sohaviy xizmatlari o‘rtasida mini-futbol musobaqasi o‘tkazildi. Bu haqda “Daryo” muxbiri xabar bermoqda.
Bir hafta davomida 8 ta jamoa 2 guruhga bo‘lingan holda tuman IIB boshlig‘i kubogi uchun yashil maydonda o‘zaro kuch sinashdi. O‘z guruhida barcha raqiblari ustidan g‘alaba qozonib, final bosqichiga yetib kelgan Jinoyat qidiruv bo‘linmasi hamda 9-sonli ichki ishlar bo‘linmasi shaxsiy tarkibidan tuzilgan jamoalarning qizg‘in kechgan bahsida Jinoyat qidiruv bo‘linmasi xodimlari 4:3 hisobida g‘oliblikni qo‘lga kiritdi.
G‘olib jamoaga kubok va qimmatbaho sovg‘alar topshirildi. Shuningdek, faol havaskor to‘p suruvchilar ham medal va turli nominatsiyalar bo‘yicha taqdirlandi.
Izoh (0)