Davlat Soliq qo‘mitasi Facebook’dan qo‘mita raisi nomidan ochilgan soxta akkauntni yopishni so‘radi, deb xabar qilmoqda Sputnik Qo‘mita matbuot xizmatiga tayanib.
O‘zbekiston Davlat Soliq qo‘mitasi raisi Behzod Musayev nomidan Facebook’da ochilgan soxta akkauntlarni o‘rganish davomida, uni qayd etishda Buyuk Britaniya poytaxti – Londonda joylashgan telefon raqamlari ko‘rsatilgani ma’lum bo‘ldi. Ushbu vaziyat tufayli, DSQ rahbariyati Facebook’ga murojaat qilib, ularning sha’niga dog‘ tushirayotgan soxta akkauntlarni yopishni so‘radi, deyilgan xabarda.
Eslatib o‘tamiz, biroz oldin ijtimoiy tarmoqda DSQ raisi nomidan ochilgan soxta akkaunt haqida xabar berilgan edi. Soliq qo‘mitasi Facebook’da Behzod Musayev nomidan qoldirilgan barcha izohlarni inkor etib, raisning ushbu ijtimoiy tarmoqda akkaunti yo‘qligini xabar qilgan edi.
Izoh (0)